Baliti sa among baryo

Name: Mary Cherry Rusiana

Grade & Section: 12-Sartre

Si Ante Cherry Morales, 42 anyos, nagpuyo sa Barangay Panaytayon, Purok-6, Agusan del Norte. Igsoon siya sa akong mama ug adunay duha ka anak.

Matud pa ni Ante Cherry, sa panahon nga dalaga pa siya, adunay dako kaayo nga baliti diri sa among lugar. Tungod sa kadako ug katingalahang hitsura niini, gitawag gyud ang among lugar og Baliti. Sa una, bugnaw kaayo ang palibot, ug matag udto, manggawas ang mga dagkong isda sa sapa. Subra ka langdong ang among barangay presko ang hangin ug malinawon ang palibot. Apan usa ka adlaw, miabot ang tag-iya sa basakan. Giingon niya nga ang baliti kuno mao ang hinungdan sa iyang kamalasan, busa gi-planohan niyang putlon kini. Wala gyud siya magdahom nga sukad sa iyang gibuhat, mas ni samot pa ang kamalas sa iyang kinabuhi. Matud pa ni Ante Cherry, nagsugod og kamatay ang pamilya sa tag-iya, ug nalugi ang ilang negosyo. Sukad sa pagputol sa baliti, nawala ang lamig sa hangin, wala nay isda nga magpakita sa udto, ug dili na ingon ka landong ang among barangay. Giingon pa ni Ante Cherry nga nabulahaw ang mga namuyo sa baliti mga engkanto ug dewata nga kaniadto naghatag og panalangin ug kinabuhi sa lugar. Nasuko sila tungod sa pagputol sa kahoy nga ilang gipuy-an. Sukad niadto, mura gyud daw og nausab ang dagan sa kinabuhi sa mga tawo sa ilang baryo