Ang bal-bal sa baryo

Name: Mary Cherry Rusiana

rade & Section: 12-Sartre

Si Timotheo Aquiatan, 72 anyos, nagpuyo sa Barangay Panaytayon, Purok-6, Agusan del Norte papa sa akong mama ug lolo nako. Kini iyang kaagi, gitawag kini nga Bal-bal sa ilang baryo.

Si Lolo Timotheo, o tawagon nalang natong Tatay Tunying, usa ka residente sa Gensan katong ulitawo pa siya. Sa edad nga 17 anyos, nakaagi na siya og bal-bal. Ang bal-bal isa kini nga lamang-lupa nga ang punterya ang mga patay na tao, og kusog pod ni sila manglamat, matod pa ni Tatay Tunying.

Namatay ang mama ni Tatay Tunying, og gabii na niabot sa ilang panimalay ang patay nga lawas sa iyang mama. Samtang nagkabisy ang pamilya ni Tatay Tunying, gipabantayan sa iyang papa ang patay nga lawas sa iyang mama.

Natingala si Tatay Tunying nganong bantayan paman ang patay. Didto nagsugod ang kuryoso sa utok ni Tatay Tunying, og dali-dali siyang nangutana sa iyang ate:

“Ate, nganong bantayan paman ang lawas sa patay?”

Ni tubag ang ate ni Tatay Tunying og miingon:

“Kay naay balbal sa atong lugar.”

Mas nakuryoso pag-ayo si Tatay Tunying ug nangutana:

“Unsay balbal?”

Ni tubag dayon ang iyang maguwang:

“Ang balbal isa ka mananap na dili ingon nato. Ang punterya mao ang patay nga lawas. Lamaton ka nila gamit ang bani (lawas sa saging). Ilang gamiton ang bani para himuong lawas sa patay, og ang tinuod nga lawas ilang kwaon og kan-on.”

Sa pagkabalo ni Tatay Tunying sa maong balbal, sukad adto dili na niya biyaan ang mga patay nga lawas nga gilamayan.