Ang Binuhi na gusto napod mag pa buhi: Sigbin

 Name: Mary Cherry A, Rusiana

Grade & Section: 12-sartre

Siya si Digna J. Aquiatan, 65 anyos, inahan sa akong mama og nagpuyo kini sa Barangay Panaytayon, Purok-6, R.T.R., Agusan del Norte.Kini nga kaagi iyaha ni na experience 15 anyos pa lang jud siya, og kini nga tuig buhi pa ang iyahang kuya nga si Jojo. Si kuya Jojo silbing Lolo na nako siya. Og sayo namaalam ang akong Lolo Jojo sa edad nga 24 tungod sa iyang binuhi.

Bata pa lang ang akong Lola Digna, daghan na siyag madunggan nga sulti-sulti sa ilang kasilinganan nga si Lolo Jojo kay naay gibuhì nga dili sama sa iring og iro dili normal sa panan-aw sa ubang tao. Kini usa ka "sigbin". Nitongtong og 16 anyos ang akong Lola Digna, ginasugo na silang magtugway sa ilang kanding sa kalubihan. Samtang nagtugway ang akong lola, gibati siya og kaihion. Sa walay pagduhaduha, og tungod kay wala poy mga balay didtong dapita, milingkod lang siya sa kilid og nangihi. Natingala siya nganong naa na sa iyang tapad ang ilang kanding nga gitugway man niya didto sa pikas kalubihan, pero wala kini pansina sa akong lola og nagpadayon kini sa pag-ihi. Samtang nangihi siya, natingala siya kay ang kanding nagduko og nagtutok sa iyaha. Pero wala gihapon ni pansina sa akong lola og nagpadayon sa pag-ihi. Pagkahuman niya og ihi, nidiretso na siya og uli. Sa pag-uli daw niya, gisulti niya sa iyang mama nga ang kanding nga iyang gitugway ganiha nagduko og nagtutok sa iyaha. Nikatawa lamang ang iyahang mama og nisulti, “Binuhi to sa imong maguwang.” Si Lola Digna natingala, “Kanding, Ma?” pangutana niya sa iyang mama. Og ningisi kini og balik og nisulti, “Dili, sigbin.” Sukad ato, dili na motugway ang akong lola sa kalubihan. Sa pagtungtong sa akong Lola Digna sa edad nga 19 anyos, nipanaw na ang akong Lolo Jojo sa edad nga 24. Sukad niadto, wala nay nakita og nadungog nga sigbin sa among barangay. Ako lang pod ning idugang ang akong kaagi. Katong niaging buwan, natingala ko nganong naa may itom nga kanding sa luyo sa among balay nagtutok lang kini sa akoa og murag gusto moduol. So dali-dali kong niadto sa akong papa aron mangutana og naa pa bay kanding sila Ante Tata, og nisulti ang akong papa, “Wala na, gi-ihaw na namo.” Didto nanindawt ang akong mga balahibo og dali-dali nakong gisulti sa akong papa ang akong nakita. Nigawas dayon siya og nagdala og sundang. Ako, dali-dali nga niadto ila Lola Digna aron magpabanyos og holy water. Samtang gisulti nako sa akong Lola Digna ang akong nakita, niingon siya: “IKAW ANG GIBALIKAN OG GUSTO SYA SA IMOHA MAGPABUHI KAY AKO SYANG GIBALIBARAN.”